Analisti Artan Hoxha, tha se deklarimet e ashpra të Ilir Metës pas daljes nga selia e SPAK-ut, nuk janë asgjë e re.
I ftuar në emisionin “Të Paekspozuarit” në MCN TV, Hoxha tha se ka qenë gjithnjë i mendimit që drejtësia e sotme nuk është gjë tjetër veçse një instrument në duart e Edi Ramës dhe këtë ai po e shpreh në formë të drejtpërdrejtë.
“Meta po e përcakton tani SPAK dhe Drejtësinë e Reformës, si në shërbim të qeverisë. Në përshtypjen time Ilir Meta këtë mendim e ka pasur me kohë dhe thjesht e shpalosi në një formë të drejtpërdrejtë dhe me veprime dhe gjeste metaforike, fjalë metaforike, që i dhanë forcë mesazhit të tij.
Por ai ka qenë gjithnjë i mendimit që drejtësia e sotme nuk është gjë tjetër veçse një instrument në duart e Edi Ramës, gjë që unë e ndaj si opinion dhe unë këto analiza kam bërë gjithmonë, që kjo është një drejtësi regjimi”-tha Hoxha.
