Policia e Kosovës ka konfiskuar sasi armësh gjatë një operacioni në veri të vendit.
Sipas policisë janë kontrolluar dy lokacione të dy personave për të cilët tha se janë “ish-pjestarë të Mbrojtjes Civile dhe pjesëtarë të grupit terrorist të Banjskës”.
Sipas Policisë, bëhet fjalë për një lokacion në veri të Mitrovicës, në afërsi të lagjes “Tre Rrokaqiejt” dhe ndërlidhet me personin në kërkim, Marjan Radojeviq.
Ndërkaq lokacioni tjetër, sipas policisë, është në rrugën “Qeta e Minatorëve” në veri të Mitrovicës dhe ndërlidhet me personin në kërkim, Zharko Cvetkoviq.
