Një shqiptar 43-vjeçar, identiteti i të cilit nuk bëhet ende i ditur, është arrestuar në Valencia të Spanjës pasi akuzohet për vrasje të lënë në tentativë.
Në muajin prill shqiptari kishyte tentuar vrasjen e dy personave duke i përplasur ata me automjet. Dy shtetasit e huaj ishin në një motoçikletë ndërkohë që shqiptari iu ka shkuar me një automjet me shpejtësi të madhe drejt tyre. Ngjarja ka ndodhur në orën 21:00 ku drejtuesi i automjetit ka kaluar me një shpejtësi marramendvse gjithashtu ka kaluar me semafor të kuq duke vënë në rrezik kalimtarë të asaj zone.
Pasi kanë përplasur dy personat në motoçikletë, këmbësorët kanë njoftuar policinë dhe ambulancën për të ndihmuar të plagosurit.
Të aksidentuarit kanë pësuar lëndime dhe djegie. Njëri prej tyre ka frakturë në qafë dhe këmbë, duke u shtruar në spital.
Pas asaj që ndodhi, grupi i Policisë Gjyqësore Exposició nisi hetimet për zbardhjen e fakteve dhe pas punës shteruese u identifikua si mjeti ashtu edhe pronari i tij. Më pas, këta agjentë gjetën autorin, i cili u arrestua për veprën penale të vrasjes në tentativë dhe një tjetër kundër sigurisë në komunikacion.
I arrestuari me precedentë policor është vënë para drejtësisë.
