Boston Celtics ka vënë një dorë në trofe pas fitores së ndeshjes së tretë ndaj Dallas Maverics duke e çuar në 3-0 epërsinë.
Skuadra me historinë më të madhe në basketbollin amerikan, krah për krah me Los Angeles Lakers, arriti një sukses që mund të jetë vendimtar.
Celtics triumfuan në arenën e Teksasit me rezultatin 106-99, ku dyshja kryesore e Celtics e përbërë nga Jayson Tatum e Jaylen Brown udhëhoqën Boston duke shënuar së bashku 61 pikë, me Tatum që realizoi 31 pikë, kapi 6 topa në tabela e shërbeu 5 asistë, ndërsa Brown shtoi 30 pikë, 8 topa në tabela e 8 asistë.
Miqtë ia dolën edhe pa, Kristaps Porzingis, që sërish ka probleme fizike.
Te Dallas nuk ishte mbrëmja e Luka Doncic. 25-vjeçari vërtet shënoi 27 pikë, kapi 6 topa në tabela e dha 6 asistë, por gaboi tepër shumë në gjuajtje, u kritikua për mbrojtjen inekzistente dhe në fund u përjashtua teksa u tregua shumë gjaknxehtë.
Boston tashmë është vetëm 1 fitore larg titullit të 18-të në histori (do të ishte rekord absolut teksa aktualisht ndajnë vendin e parë me Lakers me nga 17 tituj).
