Te Tirana kanë nisur të lëvizin me shpejtësi sa i takon merkatos, dhe pas disa largimeve, tashmë radhën e kanë afrimet. Pas sulmuesit Aldi Gjumsit, mbrojtësit bullgar, Arhan Isuf, radhën e ka Fatmir Prengaj.
Ky i fundit mbulon rolin e sulmuesit të majtë dhe është vendosur menjëherë nën urdhrat e trajnerit Bledi Shëkmbi me Tiranën që pret të startojë aventurën europiane në turin e parë kualifikues të Conference League.
Prengaj, është aktivizuar më herët me Laçin, Erzenin dhe Vorën. Tashmë, 23-vjeçari përgatitet të nisë edhe aventurën e tij më të rëndësishme deri në këtë pikë të karrierës teksa do të synojë konfirmimin në elitë me fanellën e 26-herë Kampionëve të Shqipërisë.
Postimi i plotë:
Mirësevjen Fatmir Prengaj
Klubi i Futbollit Tirana njofton afrimin e sulmuesit të majtë Fatmir Prengaj.
Prenga 23-vjeçar e njeh mirë kampionatin shqiptar, ndërkohë që ditën e sotme është bashkuar menjëherë në stërvitje me ekipin.
Klubi i Tiranës mirëpret sulmuesin Prengaj dhe i uron shumë gola e trofe me fanellën bardh’ e blu.
