Polica në Memaliaj ka arrestuar një 66-vjeçar i cili kultivonte bimë narkotike të llojit kanabis sativa.
66 vjeçari dyshohet se ka kultivuar në një sipërfaqe toke në këtë fshat, 77 bimë narkotike kanabis sativa, të cilat u asgjësuan nga Policia, me anë të djegies.
“Në zbatim të masave të përcaktuara në planin operacional kombëtar “Territor i pastër”, për parandalimin, evidentimin dhe goditjen e tentativave për kultivimin e bimëve narkotike, shërbimet e Stacionit të Policisë Memaliaj, bazuar edhe në inteligjencën policore, kanë intensifikuar kontrollet në terren dhe veprimet hetimore.
Në këtë kuadër, si rezultat i një hetimi me metoda proaktive, të kryer në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, shërbimet e Stacionit të Policisë Memaliaj goditën një rast të kultivimit të bimëve narkotike, për të cilin u arrestua në flagrancë shtetasi: N.H., 66 vjeç, banues në fshatin Toç, bashkia Memaliaj, pasi dyshohet se ka kultivuar në një sipërfaqe toke në këtë fshat, 77 bimë narkotike cannabis sativa, të cilat u asgjësuan nga Policia, me anë të djegies.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Kultivimi i bimëve narkotike”.
