Jocelin Behiratche e ka mbyllur me Dinamon duke zgjedhur të vijojë karrierën larg Shqipërisë.
SuperSport mëson se qendërmbrojtësi potent do të jetë pjesë e Sheriff Tiraspol në dy vitet e ardhshme. Kontratë nga e cila do të përfitojë rreth 270 mijë €.
Klubi i Dinamos nuk përfiton asgjë nga ky transferim i lojtarit nga Bregu i Fildishtë. 24-vjeçari qëndroi vetëm një sezon te 18 herë kampionët e Shqipërisë.
Më parë ishte pjesë e Tiranës, teksa me bardheblutë fitoi titullin kampion dhe Superkupën e Shqipërisë në 2022.
Tashmë do të jetë pjesë e rekordmenëve të futbollit moldav, me Sheriffin që ka fituar plot 21 herë titullin kampion./Supersport/
