Një aksident me pasojë vdekjen ka ndodhur gjatë orëve të para të mëngjesit të së hënës në aksin rrugor Laç – Fushë Mamurras.
Sipas policisë, shoferi ka humbur kontrollin e mjetit dhe për pasojë është përplasur me trafikndarësen e rrugës. Goditja rezultoi fatale për 43-vjeçarin i cili nuk mundi t’i mbijetojë plagëve të marra.
“Rreth orës 02:00, në aksin rrugor Laç-Fushë Mamurras, automjeti me drejtues shtetasin K. M., dyshohet se për shkak të humbjes së kontrollit mbi drejtimin e automjetit nga drejtuesi, ka dalë nga rruga dhe është përplasur me barrierën ndarëse të rrugës.
Si pasojë e përplasjes, ka gjetur vdekjen e menjëhershme drejtuesi i automjetit, shtetasi K.M., 43 vjeç, bunues në Bushnesh, Krujë”, njofton policia.
Grupi hetimor po punon për sqarimin e rrethanave dhe shkakut të aksidentit
