Pasi banesa e tij u përfshi nga flakët dy ditë më parë, 89-vjeçari me iniciale K.Zh nuk ka mundur dot t’i mbijetojë plagëve të marra nga djegia, dhe ka ndërruar jetë gjatë natës së kaluar.
I moshuari ndodhej në banesën e tij së bashku me kujdestaren kur shtëpia u përfshi nga flaket. Të dy, ata u dërguan në spital për ndihmë mjekësore.
Deklarata e policisë dy ditëve me parë:
Në lagjen nr. 4, Korçë, ka rënë zjarr në banesën e shtetasit K. Zh., rreth 89 vjeç, i cili për pasojë ka marrë djegie trupore dhe u dërgua në spital për ndihmë mjekësore, së bashku me shtetasen B. B., rreth 47 vjeçe, që kujdesej për pronarin e banesës, e cila kishte probleme me frymëmarrjen.
Grupi hetimor po punon për sqarimin e rrethanave dhe përcaktimin e shkaqeve të rënies së zjarrit, i cili paraprakisht dyshohet të ketë rënë për shkaqe aksidentale.
