Policia e Vlorës ka kërkuar ndihmën e policisë kufitare për të bërë kërkime në det, pasi dyshohet se trupi i 31-vjçarit Eraldo Nevruzit, recepsionistit të hotelit që u vra nga pronari Gerald Shehu, mund të jetë hedhur në det nga ky i fundit.
Dy punonjësit e hotelit “Greccia” në Dhërmi, Daniel Qose, 33 vjeç dhe David Larti, 30 vjeç nga Korça, të cilët u arrestuan pasi dyshohet se kanë ndihmuar autorin Gerald Shehu për të fshehur trupin e viktimës Eraldo Nevruzi, 31 vjeça, pasi e vrau me armë zjarri, kanë dëshmuar se nuk kanë dijeni për vendndodhjen e trupit.
Daniel Qose dhe David Larti kanë deklaruar se e kanë ndihmuar Gerald Shehun vetëm për ta futur trupin e pajetë në bagazh, teksa sipas tyre, ai e la tek shkallët e hotelit pas një konflikti me njëri tjetrin.
“Na ka bërtitur me tone të larta për të marrë qeset dhe e kemi futur trupin në bagazh por më pas nuk dimë gjë”, janë shprehur dy punonjësit.
Kërkimet vijojnë nga ajri dhe nga toka.
