Trajneri i Kombëtares shqiptare, Sylvinho, është i kënaqur nga ajo që ka parë nga ekipi i tij gjatë këtyre ditëve përgatitje.
Shqipëria fitoi 2 ndeshjet miqësore ndaj Lihteshtejnit dhe Azerbajxhanit duke shënuar në total 6 gola dhe duke mos pësuar asnjë.
Pas sfidës së sotme, trajneri brazilian theksoi se i gjithë fokusi zhvendoset tek Italia, ndërsa i pyetur rreth formacionit në ndeshjen e parë të Europianit për Shqipërinë, Sylvinho është shprehur se është ende i pavendosur.
“Sa i përket kësaj periudhe, unë jam i kënaqur. Jemi në fazë përgatitjesh. Kanë ardhur lojtarë me 50 ndeshje, të tjerë me 2 ndeshje. Por edhe lojtarë të dëmtuar. Të gjithë kanë bërë shumë mirë, rezultati nuk ka rëndësi.
Strategjia e lojës? Kjo periudhë nga tani e tutje do i dedikohet strategjisë së ndeshjes me Italinë. Deri tani kishte rëndësi puna dhe menaxhimi i lojtarëve, gjithashtu forma e tyre.
Formacioni titullar me Italinë? Nuk e di… Na presin 7 ditë shumë të rëndësishme për t’u stërvitur e punuar. Nuk mund të them nëse do e nisim me formacionin e sotëm ndaj Italisë, apo me një formacion tjetër.
Ai është stërvitur mirë, por nuk luan prej janarit, hiq miqësoret e marsit. Është një lojtar shumë i rëndësishëm për ne. E zëvendësova sepse donim të provonim diçka tjetër”.
