Flamur Noka, deputet i PD-së, ka komentuar protestën e sotme para Kuvendit dhe qëllimin e saj.
Sekretar i Përgjithshëm i PD-së u shpreh se opozita ka për detyrë, si përfaqësuese e qytetarëve, që të kërkojë daljen nga situata dhe në këtë situatë e ka futur Edi Rama.
Noka tha se largimi i tij dhe krijimi i qeverisë teknike për të sjellë paqe.
“Situata në të cilën është futur Shqipëria është dëshpëruese. Kur situata është dëshpëruese shoqëritë kërkojnë zgjidhje. Deri më sot, politika bën zgjidhje. Ngërçi më i madh sot dhe shkaktari i futjes në këtë spirale të zezë është politika e pushtetit.
Ish zv.kryeministri plasi një bombë, tregoi një gjë që ne e dimë, por asnjë ndërkombëtar nuk e pranonte dhe Rama kishte bërë gjithçka për ta mbajtur të mbyllur, Rai 3 theu shishen dhe kutërboi në të gjithë botën.
U mor vesh që në zyrën e Ramës ishte ulur një përfaqësues i kartelit të Sinaloa, ishte ulur edhe Durim Bami, Rrahman Rraja, Avdylët, Bajri, i gjithë krimi i organizuar.
U tregua botërisht dhe u tha që në Shqipëri bosët e krimit të organizuar drejtojnë. Përballë një skandali, një qeveri demokratike duhet të dorëhiqej dhe të hapej rrugë për një qeveri tjetër, që të krijonte paqe shoqërore. Ajo që është alarmante, narko-regjimi. 800 milionë euro nëpër banka vijnë dhe janë hedhur në investim 3.7 miliardë. 2.9 miliardë cfarë janë? Paratë e drogës?
Opozita ka detyrë, si përfaqësuese e qytetarëve, të kërkojë daljen nga situata. Kush e futi në këtë situatë këtë vend? Edi Rama. Largimi i tij, krijimi i qeverisë teknike për të sjellë paqe. Është imperative që koha e kërkon, që Shqipëria të mos zhbëhet”-tha Noka.
