Kryeministrit Edi Rama duke se nuk i del inati me investigimin e emisionit “Report” të televizionit italian RAi 3, ku i dëshmoi lidhjet e tij dhe të qeverisë me grupet kriminale.
Gjatë konferencës së përbashkët nga Shëngjini me kryeministren italiane Giorgia Meloni, Rama tha se Shqipëria nuk ka mafia të strukturuar si Cosa Nostra apo Camorra. Kreu i qeverisë shqiptare vazhdoi më tej se gazetarët italianë duhet të turpërohen që kanë hedhur llum dhe baltë mbi Shqipërinë dhe qeverinë e tij, pasi sipas tij, ai nuk ka asnjë mëkat.
“Buongiorno, flasim italisht sepse këtu jemi në territor italian. Mirësevini të gjithë. Më lejoni të shpreh kënaqësinë tju shoh këtu shëndosh e mirë, në këtë zonë. Më duhet të citoj një gazetë, të se nesërmes, ‘Thelbi i kriminaliteti shqiptar është vendi ku veprojnë klanet që lidhen me trafikun e qenieve njerëzore. Më duhet t’iu rrëfej që e kemi marrë seriozisht këtë zbulim shqetësues, meqë gazeta e së nesërmes thonte që po merreshim me zbulimin e këtyre klaneve, do të thotë që po merremi me SPAK dhe na siguruan që ky klan nuk ekziston.
Sigurisht veprojnë grupe kriminaliteti, por sipas SPAK nuk ekzistojnë premisat për të folur për një mafie shqiptare, term i përdorur për të hedhur baltë mbi Shqipërinë, duke cituar kreun e SPAK s’mund të themi se në këtë vend ekzistojnë struktura që u ngjanë Cosa Nostra, Camorra, sepse grupet kriminele shqiptare s’kanë hierarki dhe veprojnë në rrethe të ngushta familjare apo shoqërore. S’mund të mos shfrytëzoj këtë rast për të shprehur trishtim për gjysmë të vërteta. Me qëllim fare të qartë për të sulmuar marrëveshjen mes dy qeverie në luftën kundër migracionit të paligjshëm. Duhet të turpërohën ata që të drejtën për të kundërshtuar këtë marrëvëshje e kanë shfrytezuar në pushtetin e katërt, atë të medias. Kundrejt lumit të baltës të shperthyer ndaj Shqipërise dhe qeverisë, që kurrë nuk ka pasur mbi vete mëkatin që t’i kthejë kurrizin kur i është dashur të ndihmojë Italinë.” – tha Rama.
