Është shkarkuar nga detyra zv/ministrja e Shëndetësisë dhe Mbrojtjes Sociale, Vjollca Braho.
Burimet mediatike bëjnë me dije se Vjollca Braho do të zëvendësohet në detyrën e saj nga Niko Hyka, i cili është fizikant në profesion.
Vjollca Braho u emëruar në këtë post në nëntor të vitit 2021 dhe zëvendësoi Albert Nikollën. Braho ka mbajtur dhe detyrën e drejtores së përgjithshme të Institutit të Sigurimeve Shoqërore dhe Fondit të Sigurimit të Detyrueshëm të Kujdesit Shëndetësor.
“VENDIM PËR LIRIM NGA DETYRA – Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Vjollca Braho, zëvendësministër i Shëndetësisë dhe Mbrojtjes Sociale, lirohet nga kjo detyrë. Ky vendim hyn në fuqi menjëherë.
