Protesta e 10-të para Bashkisë së Tiranës, e organizuar nga Aleanca për Mbrojtjen e Teatrit dhe opozita, ka vijuar me tensione të shumta.
Kjo protestë e radhës shënoi një ndryshim të skenarit, ku në ndryshim nga hedhja e mjeteve shpërthyese në drejtim të godinës, u dogjën disa goma makinash.
Ndërkohë, policia ka hedhur tymuese në momentin që po fliste ish-deputeti i PD-së Belind Këlliçi.
“O polic ty ajo kokorja të bën më shumë se rroga që ke. Të të vij zor dhe të turp se kjo protestë bëhet edhe për ty, për fytyrën tënde. Mos u fshih aty, nxirre fytyrën ahjde këtu dhe merre mikrofonin. Bandit, bandit”, i drejtohet Këlliçi një prej efektivëve.
