Astrologia Meri Shehu bëri në “Wake Up” parashikimin për secilën shenjë të horoskopit për muajin qershor.
Gjithashtu Meri tregoi edhe datat më të mira dhe ato më të këqija për këtë muaj. Sipas Shehut, datat më të vështira janë 8-9 dhe 12 qershor. Gjithashtu edhe datat 16-17-18 janë problematike. Ndërsa pjesa tjetër sipas astrologes, janë data të mira.
Parashikimi i Meri Shehut për datat më të mira dhe të këqija për qershorin:
Muaji qershor është një muaj shumë i rëndësishëm, tashmë ju e dini që Jupiteri, planeti i fatit, ka kaluar nga Demi te Binjakët. Demët ça fituan, fituan, ça humbën, humbën. Tani e dinë shumë mirë ça kanë fituar e ça kanë humbur, kështu që mbaroi ajo faza ku Demët edhe mund të ndjeheshin ‘jam unë e s’është askush tjetër’, edhe sikur nga mbrapa të kishin problematika, kishin një eufori që ua jepte Jupiteri. Por kjo eufori tani ka mbaruar dhe më datë 8 qershor futet Marsi në shenjën e Demit, plani ti luftës. Ju e dini që Demi udhëhiqet nga Afërdita që do të shijojë, kalojë mirë, të ketë lekë, të ketë mundësia. Tani futet Marsi që Demi të kuptojë ça ka në të vërtetë dhe sa i aftë është apo i është zbrazur fare thesi sa Demëve ose mundësitë dhe duan tani të fitojnë kohë, atë kohën që e kishin ose nuk e vlerësuan, qoftë në dashuri, miqësi. Tani Marsi fillon t’i bëjë pak rebelë, agresivë dhe të bëjë sherre. Nuk do ndihen të qetë.
Dje është futur Mërkuri në Binjakë, Dielli është në Binjak si dhe Jupiteri. Komunikimi është ajo që do na japë ne këtë periudhë, energjinë e duhur për të mësuar, për të bërë gjëra. Pra nëse çdo muaj ose çdo vit ka atë tendencën e vet, vjet për shembull Jupiteri në Dem kishte ekonominë edhe atë zotërimin, këtë vit kemi komunikimin.
Pra çdo gjë ka të bëjë me atë marr-jap në komunikim. Shpirtërore kjo nuk është po a do ngelen gjërat, a do jenë të forta? Jo, janë si ajri. Ky do jetë vit komunikimi. Duke qenë se Binjakët janë një shenjë adoleshente që nuk rriten, janë të zgjuar, ne do të na përfaqësojë kjo tendencë. Do të bëjmë gjëra paksa sikur nuk i kemi bërë ndonjëherë. Sikur nuk e ngulim atë gozhdën në mur. Por gjithsesi është komunikimi.
Më datën 6 kemi një Hënë të re prapë në Binjakë që do të thotë që do gjejmë një rrugë të re, një mundësi të re, shumë nga ne. Por ndikimet më të mëdha këto planetë në Binjakë i kanë me Binjakun, Virgjëreshën, Shigjetarin dhe Peshqit. Por mos të harrojmë që data 8-9 dhe 12, të gjithë këta planetë në Binjakë do të përballen me Saturnin në Peshk, kështu që këto janë 3-4 ditë të vështira.
Ndërkohë datat e mira do t’i shikojmë pas kësaj periudhe. Duke përjashtuar këto data të vështira, i bie që datat e tjera të jenë të mira. Në datën 16-17 Afërdita kalon nga Binjakët dhe futet në Gaforre, pastaj futet dhe Mërkuri në Gaforre. E kjo stabilizon pas datës 15-16 shenjat e ujit, për shembull Gaforret, Akrepët dhe Peshqit. Por pikërisht sa futet 16-17 përballen me Plutonin në Ujor. Kështu që edhe këto data 16-17-18 janë problematike pasi shumë njerëz mund të ndjenjë një kushtëzim ekonomik, mund të ndjejë një tradhti erotike, mund të ndihemi sikur nuk kemi arritur asnjë gjë ose kemi pësuar një humbje. Por e marrim veten shpejt. Pas datës 20 fillojnë datat më të mira. Më datë 21 kemi një Hënë të plotë në Bricjap dhe kjo është një gjë pozitive për shenjat e Tokës. Demi mund të marrë pak vetën.
