Muaji qershor pritet të jetë pozitiv për të gjitha shenjat. Është plot aksion që të gjitha të përpiqen për të arritur diçka, por njëkohësisht mund të lënë disa gjëra pas dore nëse nuk tregohen të organizuara.
Chrysanthi Kalogeri, astrologia e “Shije Shtëpie” në Tv Klan ka parashikuar si do të jetë muaji për secilën shenjë, kryesisht për dy javët e para dhe ndikimin nga hëna në Binjak.
Dashi – Një periudhë shumë e rëndësishme për ju, plot lëvizje, komunikim, biseda, takime, udhëtime të vogla por edhe të gjata që kanë si qëllim promovimin e punës tuaj. Do të jeni të fokusuar në sferën financiare e personale. Periudha premton zhvillime në jetën personale. Fillimi i javës premton një bashkëpunim financiar që do u shërbejë qëllimeve tuaja, mund të keni mbështetjen e një njeriu të fuqishëm ose nga rrjeti social për realizimin e një plani lidhur me punën. Fundi i javës do ju bëjë të ndieni presion nga njerëz më lart se ju, jeta sociale ose karriera. Ky mund të jetë real apo thjesht psikologjik. Nuk është momenti të merrni vendime, por të zgjidhni problemet që paraqiten për arsye se nëse nuk i zgjidhni tani do i hasni përpara.
Demi – Çështja kryesore janë financat dhe siguria brenda jush. Ana financiare përbën edhe një siguri shpirtërore që mund të funksiononi më mirë. Duhet të fokusoheni dhe deri të mërkurën mund të keni një vlerësim nga njerëz që janë më lart se ju dhe kjo të përkthehet ose duket përmes një shpërblimi financiar, rritje të të ardhurave dhe që mnd të kenë vazhdueshmëri. Në fund të javës mos u mbështesni te të tjerët apo rrjeti social që ju kanë premtuar ndryshime ose gjëra që përcaktojnë të ardhmen pasi këtë herë nuk do të jenë në gjendje të realizojnë premtimet. Në fund të javës mos bëni shpenzime për një iniciativë që doni të ndërmerrni nëse s’keni marrë parasysh parametrat e suksesit.
Binjakët – Një periudhë ideale ku do të fokusoheni te vetja, do të keni zhvillim të jetës personale e profesionale. Deri në 5 qershor, të lindurit në ditët e para të shenjës duhet të fokusoheni në realizimin e planeve, biseda e kontakte për të ardhmen që mund të jenë të lidhura me lëvizje jashtë shtetit, studime, karrierë, ndryshimin e përditshmërisë. Të lindurit në maj janë të çliruar nga Saturni dhe përparimi bëhet pa pengesa. Të lindurit në 10-ditëshin e dytë të shenjës dhe në fund të tij, duhet të jenë të përgjegjshëm, të kapin shanset, të jenë të fokusuar në punë, realizime. Me hënën e re në shenjën tuaj, do të ndërmerrni një iniciativë që kërkon më tepër angazhim, organizim, disiplinë dhe do të ndieni presion nga njerëzit më lart se ju. Në fundjavë mos hapni biseda, mos shtroni çështje me prindërit ose eprorët pasi nuk do të merrni përgjigjen e dëshiruar. Disiplina, organizimi dhe komunikimi që do të keni në këtë periudhë, shanset që do të kapni do të udhëheqin në suksesin tuaj.
Gaforrja – Është momenti të përqendroheni në jetën intime, personale, të veproni më të tërhequr, të gjeni kohën të çlodheni dhe nëse keni nevojë të rishihni planet, t’i korrigjoni. Duhet të kombinoni veprimin pasi pas datës 21 fillon një periudhë shumë aktive. Nga fillimi i javës e deri të mërkurën mund të gjeni mbështetje financiare që mund të vijë nga një i dashur ose një realizim apo investim. Fundi i javës do ju stresojë lidhur me marrëdhëniet personale, profesionale por sido të jenë gjërat, do të gjeni mbështetjen e duhur. Në jetën personale, mund të njihni dikë që mund të jetë më i madh në moshë dhe përmes vështirësive, pengesave, pasigurisë që mund të ndieni nuk do të mposhteni.
Luani – Vazhdoni të jeni të fokusuar në jetën sociale, karrierë por kryesisht në zgjerimin e rrjetit social për të gjetur mbështetje, njerëz, klientë që do ju ndihmojnë në realizimin e qëllimeve, planeve e projekteve. Nëse keni punë kolektive, edhe pse mund të hasni pengesa në fund do të realizohet me sukses. Fillimi i javës, sidomos deri të mërkurën do ju japë mundësi të zgjidhni një çështje prone, të bëni një bashkëpunim që do të ndihmojë planet, qëllimet dhe synimet tuaja. Në fundjavë,një premtim nga një koleg ose bashkëpunëtor për një mbështetje ekonomike ose ndihmë, mos e besoni ose situatat do ju pengojnë në realizimin e një projekti.
Virgjëresha – Një periudhë shumë e mirë për karrierën, jetën sociale, është momenti të nxirrni në pah punën, talentet, komunikimin pasi jo vetëm do të keni arritje por edhe do të vlerësoheni. Deri të mërkurën do të keni zhvillime e ndryshime pozitive në përditshmëri, karrierë ku mund të shpërbleheni. Ata që janë në kërkim të një pune ose ndryshimi thelbësor, është momenti të veprojnë. Hëna e re në datën 6 do bëjë që marrëdhëniet e çdo lloji të testohen. Ato që do t’i qëndrojnë kohës do të ecin një hap përpara kurse të tjerat do të kalojnë një krizë. Në fund të javës kujdes me konfliktet me njerëzit përballë që mund të jenë bashkëpunëtorë ose partneri.
Peshorja – Një periudhë shumë e mirë për të ardhmen,planet që do të sjellin zhvillime për të. Aktivizimi që do të bëni gjatë kësaj periudhe lidhet me ngjarje që do të sjellin zhvillime dhe do të përcaktojnë të ardhmen. Të lindurit në ditët e para të shenjës do të favorizohen deri të mërkurën ku do të shikojnë ndryshime thelbësore. Duhet të jeni të kujdesshëm për problemet ligjore dhe mos ndërmerrni iniciativa në gjëra që lidhen me ligjin, normat nëse s’jeni të bindur që të gjitha janë brenda tij sepse mund të gjendeni të ekspozuar. Iniciativat janë pozitive, mjaft që të kontrolloni që çdo gjë është brenda rregullave.
Akrepi – Një periudhë shumë interesante e dinamike për sferën financiare dhe kryesisht në aspektin e lidhur në bashkëpunimet ekonomike me të tjerët. Është momenti që të shlyeni detyrimet tuaja dhe t’ju favorizojë. Fillimi i javës zgjidh një çështje të lidhur me pronat ose një problem familjar që do të jetë pozitive. 3 ditët e fundit të javës duhet të keni kujdes me iniciativat e e investimet. Është një periudhë që bazat përforcohen, por duhet të bëhen me laps në dorë.
Shigjetari – Periudhë shumë e rëndësishme për marrëdhëniet e bashkëpunimet e çdo lloji. Jeni në një fazë ku do të realizoni një marrëdhënie të re personale, takoni partnerin, krijoni një dashuri të re, përforconi lidhjen ekzistuese, kaloni një provë, krijoni një bashkëpunim të ri financiar dhe këto janë në qendër të vëmendjes. Deri të mërkurën do të keni takime, biseda ku mund të nënshkruani një kontratë ose negociatë financiare që do të ndryshojë punën e përditshmërinë. Lidhur me hënën e re përballë jush dhe ngjarjet në fund të javës, do të duhet të merrni përsipër përgjegjësi për ekonominë. Kjo mund të vështirësojë paksa situatën ose mund të ndërmerrni iniciativa që kërkojnë rregullimin e marrëdhënieve në familje ose ambientit familjar. Është periudhë shumë pozitive që duhet të përfitoni, mjaft të dini të përballoni përgjegjësinë.
Bricjapi – Një periudhë shumë e ngarkuar në jetën e përditshme e punë ku aktiviteti është i këndshëm sepse do ta shijoni pasi kombinohet puna, dashuria dhe do të keni ndryshime që do të reflektohen në sferën financiare. Deri të mërkurën keni shanse për biseda e kontakte për zhvillimet financiare. Në fund të javës jini të kujdesshëm në marrëdhëniet me të tjerët dhe njerëzit që ndani jetën e përditshme.
Ujori – Pavarësisht pengesave e vështirësive që po kalojnë sidomos të lindurit në ditët e para të shenjës që gjenden në një ndryshim rrënjësor, është periudhë shumë e mirë. Ujori është shenja më me fat e periudhës sepse jo vetëm do të kalojë bukur, do të afrohet me të dashurit, do marrë gëzime nga fëmijët, do të përjetojë e takojë dashurinë por duhet të ketë kujdes në iniciativat financiare që duhet të ndërmarrin si pasojë e një investimi për të kënaqur të dashurit. Kujdes në fund të javës me hënën e re sepse duhet të programoni mirë financat për të patur sukses. Është periudhë që favorizoheni në çdo drejtim për arritjet personale e profesionale.
Peshqit – Periudhë kur duhet të fokusoheni te vetja me pjesën e brendshme të jetës, por edhe në familje e shtëpi. Disa mund të merren me arredimin, të tjerë mund të marrin një shtëpi të re ku do të kenë edhe më shumë përgjegjësi. Të tjerë do të merren me pronën, shfrytëzimin sa më të mirë të saj. Është periudhë kur mund të afroheni me familjarët, të ndani momente të bukura përmes një feste dhe duhet të ngrini barrën e përgjegjësisë me Saturnin në shenjën tuaj, punoni me disiplinë e organizim, vlerësoni situatat që paraqiten, jini me këmbë në tokë dhe synimet ose njerëzit që i mbështesin krijojnë një stres, sidomos për të lindurit në fund të 10-ditëshit të dytë të shenjës. Keni përpara një periudhë me arritje, por vitet që do të vijnë do të jenë që nga njëra anë do të kërkojnë disiplinë e organizim të veçantë, por japin shanse që të hidhni bazat për të ardhmen. Hëna e re kërkon të mos bini nga ana psikologjike, por të shihni gjërat e t’i organizoni që të jeni sa më të organizuar e disiplinuar pa u mposhtur para vështirësive.
