Kroacia ka mposhtur me rezultatin 3-0 Maqedoninë e Veriut në ndeshjen miqësore në kuadër të përgatitjeve për “Euro 2024”.
Mesfushori, Lovro Majer, realizoi dopietë, ndërsa për golin e tretë të ballkanasve mendoi Pasalic.
Goli i parë Majer në minutën e 10-të ishte një kryevepër e vërtetë ku realizoi një eurogol nga goditja e dënimit.
Me një goditje të kalibruar nga një distancë e konsiderueshme, 26-vjeçari e dërgoi topin në rrjetë, duke lënë të shtangur portierin Dimitresvki, në përballje e zhvilluar në Rijeka.
GOLI SPEKTAKOLAR I MAJER – VIDEO
Kujtojmë që Kroacia është kundërshtarja e Shqipërisë në Grupin B. Dy kombëtaret ballkanase do të ndeshen së bashku më 19 qershor në orën 15:00 në Hamburg, në një duel që pritet të jetë tepër i luftuar.
