Kryeministri Edi Rama ka shtyrë edhe takimin që kishte parashikuar me emigrantët në Dyseldorf të Gjermanisë.
Ky takim ishte parashikuar për në datën 16 qershor, ndërsa raportohet se shkak i shtyrjes janë zgjedhjet në Parlamentin Evropian. Mësohet se ky takim pritet të zhvillohet në muajin shtator.
Më herët u raportua se kryeministri anuloi dhe takimin me diasporën në Britaninë e Madhe, që mesa duket do të zhvillohet pas zgjedhjeve të parakohshme atje, që do të mbahen më 4 korrik.
Kujtojmë se Rama ka nisur një tur takimesh me shqiptarët e diasporës, edhe pse pretendohet se një pjesë e atyre që takon janë punonjës të administratës që shkojnë me urdhër politik. Ai e nisi më 12 maj në Athinë takimet me emigrantët shqiptarë, ndërsa më 26 maj në Milano.
