Një plagosje me thikë është regjistruar mbrëmjen e kësaj të enjte në Shijak.
Autoritetet policore raportojnë se shtetasi i mitur S. J., 14 vjeç, dyshohet se ka plagosur me thikë shtetasin R. K, 20 vjeç. Krimi dyshohet se ka ndodhur për motive të dobëta rreth orës 21:30, në lagjen “Popullore”.
I plagosuri është transportuar në spital nën kujdesin e mjekëve, ndërsa i mituri është shoqëruar në Komisariat për veprime të mëtejshme procedurale.
Grupi hetimor nën drejtimin e Prokurorit të gatshëm po punon për sqarimin e rrethanave të ngjarjes dhe dokumentimin ligjor të rastit.
