Presidenti i SHBA, Joe Biden ka hequr kufizimet ndaj objektivave të Ukrainës në Rusi, por vetëm pranë rajonit të Kharkiv. Sipas BBC, thuhet se Ukrainës i lejohet që të godasë këtë zonë me armë amerikane.
“Presidenti kohët e fundit udhëzoi ekipin e tij që të sigurojë që Ukraina të jetë në gjendje të përdorë armët amerikanenë Kharkiv, në mënyrë që të mund t’i kundërpërgjigjet forcave ruse që i godasin ose përgatiten për t’i goditur ato,” tha një zyrtar i paidentifikuar amerikan për Politico.
Ndërsa politika e SHBA-së për të mos lejuar sulme me rreze të gjatë brenda Rusisë nuk ka ndryshuar, sipas raporteve, Moska ka të ngjarë ta shohë masën e fundit si një përshkallëzim.
Forcat ruse kanë arritur një numër të vogël fitoresh në rajonin e Kharkivit në javët e fundit pas një ofensive të befasishme në këtë zonë, e vendosur në kufirin me Rusinë.
