Është shtyrë sërish seanca në GJKKO për Gërdecin.
U mësua se shkaku për shtyrjen e seancës, ishte mungesa e dy prokurorëve të SPAK Arben Kraja e Klodian Braho, të cilët kishin njoftuar GJKKO se ndodhen në një aktivitet jashtë vendit tonë për shkaqe pune.
Ndërsa po ashtu bëhet me dije se seanca e radhës për Gërdecin do të mbahet në darën 12 qershor.
Gjithashtu ekspertët e thirrur për këtë çështje, deklaruan në gjykatë se nuk kanë pse të jenë pjesë e procesit.
“Kemi qenë të atashuar në prokurori për shkak të detyrës që kemi patur, por nuk kemi qenë të licensuar. Nuk mbajmë mend çfarë kemi bërë përpara 16 vitesh. Atë që kemi patur për të thënë e kemi bërë përpara 16 vitesh përballë prokurorit Sokol Stojani. Si mund të përgjigjemi ne sot kur kanë kaluar 16 vite. Unë nuk jam ekspert, të vijë prokurori Stojani në gjyq me të cilin kemi folur në atë kohë”, tha ai.
PO ashtu edhe eksperti tjetër mbajti të njëjtin qëndrim.
“Jemi mbi 70 vjeç, çfarë mund të dëshmojmë për diçka kur ka kaluar kaq kohë. Sa akte kemi bërë ne si mund të pretendohet të mbajmë mend të gjitha”, deklaroi eksperti.
