Në ditën Kombëtare të Kroacisë, Presidenti i Partisë së Lirisë Ilir Meta, flet për forcimin e bashkëpunimit.
Sipas tij, marrëdhëniet mes dy vendeve janë model dhe ato mbështeten në lidhjet e forta historike.
“I nderuar të merrja pjesë në pritjen e organizuar nga Ambasada e Kroacisë, për të kremtuar së bashku Ditën Kombëtare të këtij vendi mik, aleat dhe partner strategjik.
Marrëdhëniet e shkëlqyera shqiptaro-kroate janë model në rajonin tonë, që mbështeten në lidhjet e forta historike mes dy kombeve që ndajnë vizionin e përbashkët euroatlantik.
Në themel të tyre qëndrojnë denjësisht kontributi, vetëmohimi dhe sakrificat e shqiptarëve në luftën heroike për pavarësi të Kroacisë.
Si dy vende aleate dhe popuj miq tradicionalë, Shqipëria dhe Kroacia meritojnë të forcojnë më tej bashkëpunimin në të gjitha fushat me interes reciprok, për një të ardhme më të ndritur, shembull për rajonin!”, tha Meta.
