Një ngjarje e rëndë është regjistruar mëngjesin e së hënës ku një punëtor rrëzohet për vdekje nga një pallat në ndërtim në Tiranë.
Bëhet fjalë për 53-vjeçarin Ardian Fejzullahin i cili ka rënë nga kati i 7-të i pallatit në ndërtim teksa ka qenë duke ngjitur disa kova me llaç. Si pasojë e plagëve të marra ai ka humbur jetën.
Lidhur me këtë ngjarje të rëndë bëhet me dije se është shoqëruar në komisariat drejtuesi teknik i punimeve.
Bazuar në dëshmitë e kolegëve në vendngjarje, mësohet se Fejzullahi kishte vetëm 20 minuta që kishte marrë turnin. Në momentin e ngjarjes i riu po mbushte disa kova me llaç në lartësinë e objektit.
Së fundmi janë shtuar rastet ku punëtorët e pallateve gjejnë vdekjen pasi rrëzohen për shkak se punojnë në kushte jo të sigurta. Pas dy rasteve në Lezhë, ky është aksidenti i tretë me vdekje në punë që ndodh brenda muajit maj.
Siç mund ta shikoni nga pamjet më poshtë, pallati në ndërtim vihet re se nuk ka skela ndërtimi dhe operon jashtë çdo lloj standardi duke rrezikuar jetën e punëtorëve.
Lexo edhe:
Bie nga pallati në ndërtim, vdes punëtori 28-vjeçar në Tiranë
