Seria A uli mbrëmjen e sotme siparin për sezonin 2023-2024, me 6 duelet e mbrëmjes, që prodhuan 13 gola dhe një fund dramatik për sa i përket mbijetesës.
Empoli i Berishës, Ismajlit dhe Shpendit, arriti të shmangte rënien nga kategoria, falë golit të Niang në minutën e 93-të në duelin e fituar 2-1 ndaj Romës.
Ndërkohë që Frosinone e Marvin Çunit dhe Arijon Ibrahimoviçit, sezonin e ardhshëm do të militojë në Serinë B, pas disfatës në shtëpi mbrëmjen e sotme ndaj Udineses, e cila rezultoi fatale.
Humbja 0-1 ndaj bardhezinjve dëroi automatikisht Frosinonen në Serinë B, teksa një barazim do iu kishte mjaftuar për të shmangur humbjen, por skuadra e Çunit nuk ia doli, duke shoqëruar kështu Sasuolon dhe Salernitanën.
Në duelet e tjera, kampionët e Interit nuk shkuan më shumë se barazimi 2-2 ndaj Veronës, po në barazim 1-1 u mbyll dhe sfida mes Lacios dhe Sasuolos.
Kështu, Seria A jep tëgjitha verdiktet teksa kampion u shpall Interi pas një dominimi total të kampionatit.
Përveç zikaltërve, skuadrat e tjera që arritën të kualifikoheshin në Champions League janë: Milan, Juventus, Atalanta dhe Bologna.
Roma dhe Lacio do të luajnë në grupet e Europa League, ndërsa Fiorentina do të marrë pjesë në Conference League.
Tre skuadrat që ranë nga kategoria janë Frosinone, Sassuolo dhe Salernitana.
