Pak minuta para sfidës, Ish-kapiteni i “Demave”, Egzon Belica deklaroi se Partizani dhe Egnatia kanë shanse të barabarta për titullin kampion në Superligë.
Duke folur për Report Tv, mbrojtësi që ka qenë për pesë vite pjesë e “Demave” foli me dyshime për formulën “Final 4” që u aplikua këtë sezon në elitën e futbollit shqiptar.
“Mall për klubin? Po, ndaj kam ardhur. Kam shumë miq këtu. Me shpesë se sot do u sjell fat. Nuk kam folur me çunat gjatë kësaj jave, dua t’i lë të qetë pasi është një ndeshje e madhe për titullin kampion. Kam kaluar pesë vite këtu dhe them se janë gati.
Shija e titullit dhe kundërshtari? Dua ta besoj se do jetë një ndeshje reale dhe e fortë, shanset janë 50 me 50. Kanë qenë dy ekipet më të mira.
Skema Final 4? Si formulë na u duk e dyshimtë, pasi edhe vendi i katërt del kampion. Shanset për këto ekipe sot janë të barabarta”, tha Egzon Belica.
