Një krim i rëndë në familje është regjistruar në orët e para të mëngjesit të kësaj të enjte në Tiranë.
Autoritetet policore raportojnë se shtetasi J. Sh., 52 vjeç, dyshohet se ka goditur me thikë në trup dhe në qafë, bashkëshorten e tij, shtetasen E. Sh., 46 vjeçe. Ngjarja ka ndodhur rreth orës 02:15, në rrugën “Xhanfize Keko”.
46-vjeçarja ka mbetur e plagosur dhe është transportuar me urgjencë në spital, ku ndodhet nën kujdesin e mjekëve. Autori i dyshuar është arrestuar nga Policia për veprën penale “Vrasja për shkak të marrëdhënieve familjare”, mbetur në tentativë.
Grupi hetimor po punon për sqarimin e rrethanave të ngjarjes.
