Një shtetas i Kosovës është arrestuar nga policia kufitare në Portin e Durrësit, pasi ishte shpallur në kërkim ndërkombëtar nga autoritetet në Bullgari, për tentativë për vrasje dhe për vjedhje në rrethana rënduese.
Në pranga është vënë shtetasi kosovar Z. H., 61 vjeç, i cili është arrestuar pas shkëmbimit të informacioneve ndërmjet Interpol Tiranës dhe Interpol Sofias.
“Ky shtetas, i dënuar më parë në Bullgari, është shpallur në kërkim ndërkombëtar nga autoritetet e këtij shteti, pasi i është caktuar masë sigurie “Arrest në burg”, për veprat penale “Vrasja”, mbetur në tentativë, dhe “Vjedhja në rrethana rënduese”.” – thuhet në njoftimin e Policisë.
Policia njofton se vijon bashkëpunimi mes autoriteve shqiptare dhe atyre bullgare për ekstradimin e 61-vjeçarit, në Bullgari.
