Pjesa e parë e finales së Europa League mes Atalantës dhe Bayer Leverkusen është mbyllur me dominimin e italianëve të cilët kryesojnë me rezultatin e pastër 2-0.
Skuadra e drejtuar nga Gian Piero Gasperini ka surprizuar këdo duke vendosur diktatin ndaj një skuadre e cila deri në këtë pikë të sezonit nuk njeh asnjë humbje.
Finalja në Dublin u zhbllokua në minutën e 12-të. Një aksion perfekt i italianëve është finalizuar më së miri nga ylli nigerian, Ademola Lookman, i cili pasi merr një pasim perfekt nga Zappacosta tund rrjetën e gjermanëve.
Ndërkohë në minutën e 26-të, ishte sërish Lookman ai që dyfishon shifrat për italianët duke shtangur kampionët e Bundesligës.
Sulmuesi kaloi lehtësisht Xhakën dhe pjesën tjetër të mbrojtjes së gjermanëve dhe e finalizon topin në fund të rrjetës.
Me këto shifra, 2-0 u mbyllën 45 minutat e para, ndërkohë që të dyja skuadrat patën edhe raste të tjera shënimi, duke premtuar për një pjesë të dytë edhe më të luftuar dhe më të zjarrtë.
