Mauricio Pochettino largohet nga drejtimi i Chelsea-t pas vetëm një viti te klubi londinez.
Lajmi është bërë publik nga “Blutë”, nëpërmjet një postimi në rrjetet sociale.
“Në emër të të gjithëve te Chelsea, ne dëshirojmë të shprehim mirënjohjen tonë për Mauricio për shërbimin e tij këtë sezon. Ai do të jetë i mirëpritur të kthehet në Stamford Bridge në çdo kohë dhe ne i urojmë të gjitha më të mirat në karrierën e tij të ardhshme si trajner” – u shprehën Drejtorët sportiv Laurence Stewart dhe Paul Winstanley.
Ai firmosi me këtë klub në verën e kaluar një kontratë dyvjeçare, por tashmë do të largohet duke i hapur rrugë një tjetër tekniku që do të ulet në stolin e skuadrës.
Kieran MekKena i Ipswich, Sebastian Hoenes i Shtutgartit, Michel i Gironas dhe Enzo Maresca i Leicester mendohet se janë kandidatët kryesorë të klubit për zëvendësimin e argjentinasit.
Pochettino qëndroi 51 ndeshje në krye të pankinës së Chelsea.
Ndërkohë edhe Pochettino ka reaguar i cili falënderon klubin: “Faleminderit grupit të pronësisë së Chelsea dhe drejtorëve sportivë për mundësinë për të qenë pjesë e historisë së këtij klubi futbolli. Klubi tani është i pozicionuar mirë për të vazhduar të ecë përpara në Premier League dhe Evropë në vitet në vijim.’
