Trajneri Roberto Martinez ka publikuar listën me 26 lojtarët që do të përfaqësojnë Kombëtaren e Portugalisë në Kampionatin Europian “Gjermani 2024”.
Martinez ka zbuluar sot (e martë) pasdite, në Cidade do Futebol, grupin prej 26 lojtarësh të zgjedhur për të marrë pjesë në Euro 2024, i cili do të zhvillohet mes 14 qershorit dhe 14 korrikut, në Gjermani. Pjesë e listës janë yje si Bernardo Silva, Bruno Fernandes, Rafael Leao dhe Ruben Dias, por nuk mungojnë as senatorët apo veteranët e kombëtares si Cristiano Ronaldo, Pepe, Danilo Pereira dhe Rui Patricio.
Lojtarët do të marrin pjesë në kampin stërvitor parapërgatitës i cili do të përfshijë, tre ndeshje, kundër Finlandës (4 qershor), Kroacisë (8 qershor) dhe Republikës së Irlandës (11 qershor).
Portugalia, kujtojmë që gjendet në Grupin F të Kampionatit Europian dhe do të luajë kundër Çekisë (Leipzig, 18 qershor), Turqisë (Dortmund, 22 qershor) dhe Gjeorgjisë (Gelsenkirshen, 26 qershor).
Lista e lojtarëve të ftuar nga Portugalia:
Portierë- Diogo Costa (Porto), Jose Sa (Wolverhampton) dhe Rui Patricio (Roma).
Mbrojtës – Antonio Silva (Benfica), Danilo Pereira (PSG), Diogo Dalot (Manchester United), Gonçalo Inacio (Sporting CP), Joao Cancelo (Barcelona), Nelson Semedo (Wolverhampton), Nuno Mendes (PSG), Pepe (Porto) dhe Ruben Dias (Manchester City).
Sulmues – Bernardo Silva (Manchester City), Cristiano Ronaldo (Al Nassr), Diogo Jota (Liverpool), Francisco Conceiçao (Porto), Gonçalo Ramos (PSG), Joao Felix (Barcelona), Pedro Neto (Wolverhampton) dhe Rafael Leao (AC Milan).
