Pas kualifikimit të Partizanit, Egnatia bëhet skuadra e dytë e finales së titullit kampion në Kategorinë Superiore.
Disa ditë më parë rrogozhinasit fituan Kupën e Shqipërisë, ndërsa sot vunë në jetë një tjetër kryevepër duke synuar tani “dopietën” e famshme.
Ekipi i Tetovës kalon Vllazninë në gjysmëfinalen e “Final-Four”, falë renditjes më të mirë pasi 90 minutat përfunduan në barazim pa gola.
Në “Air Albania”, dy ekipet zhvilluan një sfidë spektakolare, me shumë raste për shënim.
Rasti më i mirë në fraksionin e parë erdhi në minutën e 18-të, me Zejnullain që dërgoi topin në rrjetë me një goditje të bukur, por dy minuta më pas, gjyqtari i takimit pasi shqyrtoi aksionin me VAR anuloi gjithçka për faull në sulm, për prekje të topit me dorë.
Pas këtij momenti, Vllaznia mori kontrollin e lojës duke zhvilluar një presion asfiksues në zonën e Egnatias, por pa mundur të gjejnë prekjen fituese. Historia ndryshoi në fraksionin e dytë, me Egnatian që ishte më kërcënuese.
Në minutën e 52-të portieri Qarri bëri mrekullinë duke devijuar goditjen e Zejnullait. Dhjetë minuta më pas, ishte Fernando që flirtoi me golin, por goditja e tij përfundoi mbi kuadrat.
Pak minuta më pas, Egnatia gjen sërish rrugën e rrjetës me Ibrahimoglu, por goli goli nuk ishte i vlefshëm, i vlerësuar në pozicion jashtë loje.
Vllaznia tentoi në mimutat e mbetura të shënonte golin e fitores, por Balaj dhe pjesa tjetër e ekipit shkodran ishin të pasaktë, duke bërë që në finalen e madhe të titullit të kalojë Egnatia.
