Mirlind Daku po kalon një moment fantastik në elitë e futbollit rus, teksa ditën e sotme shënoi golin e katërt në pesë ndeshjet e fundit për Rubin Kazanin.
Gjithsesi në një prononcim të dhënë së fundmi, sulmuesi zbuloi se ende ka marrë një ftesë nga Silvinjo për Kampionatin Europian.
Goli i realizuar në duelin e sotëm ndaj Spartakut të Moskës në minutën e 77-të me asistim të Dardan Shabanhaxhajt ishte i nënti për Mirlind Dakun në 32 ndeshje me fanellën e Rubin Kazanit.
“Kemi edhe një ndeshje dhe do të përpiqem të ndryshoj statistikat e mia.
Këtu ndihem si në shtëpinë time. Nuk kam marrë ende ftesë nga Shqipëria për Europianin.
Unë jam duke pritur dhe vetëm pas kësaj do të mund të flasim për të ardhmen time”, ka thënë Daku për “sovsport.ru”.
Daku mund të largohet gjatë verës nga Rubin Kazani, pasi interesimi për ish-sulmuesin e Kosovës është i madh, gjë që e ka pranuar edhe drejtori i përgjithshëm i klubit, Alexander Aibatov.
