Një ditë pasi Aleks Marku mbajti peng fëmijët në një apartament pranë zonës së Shkëmbi i Kavajës, ka folur bashkëshortja e tij.
Bardha Marku ka deklaruar se është përgatitur për më të keqen dhe se ka pasur frikë se mund të kishte vrarë fëmijët.
“Frikacaku! Ne menduam se kishte mbytur fëmijët”, tha Bardha Marku
Ngjarja ndodhi në orët e para të mëngjesit të së mërkurës (15 Maj në Durrës) ku 40-vjeçari Aleks Marku, nga Lezha u vetëdorëzu pas negociatave me forcat RENEA disa orë pasi mbajti peng të miturit e moshës 6 dhe 11 vjeç.
Ndaj tij janë ngritur akuzat për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Heqja e paligjshme e lirisë”, “Shkatërrimi i pronës”, “Prishja e qetësisë publike” dhe “Kundërshtimi i punonjësit të policisë së rendit publik”.
