Kryeministri sllovak Robert Fico është qëlluar me armë zjarri dhe ka mbetur i plagosur.
Mediat e huaja raportojnë se Fico është qëlluar përpara një qendre të komunitetit kulturor në qytetin Handlova, ku ishte mbajtur një mbledhje e qeverisë.
Sipas gazetarëve në vendngjarje janë dëgjuar disa të shtëna. Udhëheqësi sllovak është dërguar në spital dhe sulmuesi i tij i dyshuar është arrestuar nga policia.
Handlova është rreth 180 km (112 milje) në veri-lindje të kryeqytetit Bratislavë.
Një video tregoi disa burra që nxitonin për të arrestuar të dyshuarin jashtë qendrës kulturore në Handlova.
Në reagimin e saj fillestar ndaj të shtënave, presidentja në largim e Sllovakisë Zuzana Caputova tha se ishte e tronditur nga sulmi “brutal dhe i pamëshirshëm” ndaj kryeministrit dhe i uroi atij forcë për t’u rikuperuar.
Fico u kthye në pushtet në Sllovaki pas zgjedhjeve shtatorin e kaluar, në krye të një koalicioni populist-nacionalist.
