Kupa e Shqipërisë do të shpallë sot fituesin e saj me një ndeshje e cila padyshim ngjall shumë kuriozitet për arsye të ndryshme.
Përballë janë Kukësi dhe Egnatia e cila është fituese në fuqi dhe kërkon të mbrojë trofeun.
Për kuksianët e rënë nga kategoria, ky trofe do të bënte më pak të hidhur këtë sezon dhe do u jepte mundësinë që të përfaqësoheshin në Europë.
Ndërsa nga ana tjetër, Egnatia kërkon të vazhdojë dominimin në futbollin shqiptar, duke filluar nga Kupa, për të vazhduar në ditët në vijim me kampionatin.
Me shumë interes, këtë sfidë do ta ndjekë edhe Tirana teksa bardheblutë edhe pse e mbyllën sezonin në vendin e 5-të, triumfi i Egnatias do t’i dërgonte ata në Europë (Liga e Konferencës).
Arbitri kryesor i kësaj finaleje e cila starton në orën 19:00 do të jetë Juxhin Xhaja, ndërsa në ndihmën e tij do të jenë Denis Rexha dhe Arbër Zalla.
Formacionet zyrtare:
Kukësi: Tafas, Lamçe, Lala, Reçi, Zhongo, Lleshi, Dragoshi, Mingo, Fejzaj, Salami, Solodovnikov
Egnatia: Sherri, Dulis, Malota, Xhemajli, Ndreca, Fangaj, Ahmetaj, Zejnullai, Fernando, Ibrahimoglu, Montenegro.
