Brenda pak minutash, Shqipëria është tronditur nga dy krime të rënda mesditën e së hënës në Fier dhe Lezhë.
Në qytetin verior 62-vjeçari Arsen Ferit Dani goditi për vdekje me thikë nënë e tij 88-vjeçare, Gjylije Dani.
Pas ngjarjes policia ka arrestuar autorin e krimit brenda familjes i cili dyshohet se vuan nga probleme të shëndetit mendor.
Njoftimi i policisë:
“Rreth orës 14:30, shtetasi A. D., 62 vjeç, banues në lagjen “Besëlidhja” (dyshohet shtetas me probleme të shëndetit mendor), ka vrarë me mjet prerës (thikë), nënën e tij, shtetasen Gj. D., 88 vjeçe.
Shërbimet e Policisë kanë arrestuar në flagrancë shtetasin A. D. dhe kanë sekuestruar mjetin prerës (thikë), me të cilin është kryer vrasja.
Grupi hetimor, në drejtimin e Prokurorisë, po vijon veprimet në vendngjarje për të sqaruar dhe dokumentuar me prova ligjore rrethanat e rastit”, thuhet në njoftim.
Pamjet nga vendi i krimit:
