Kryeministri Edi Rama ka planifikuar një tur takimesh me shqiptarët e diasporës dher ky tur pritet të nisë ditën e sotme me takimin e parë nga Athina.
Takimi është planifikuar të nisë në orën 11:00 dhe do të mbahet në stadiumin ‘Galatsi’, në sallën “Christmas Theater”.
pritet të mbërrijë në aeroportin ”Eleftheros Venizelos” rreth orës 09:00 dhe për mbarëvajtjen e këtij takimi janë marrë masa të rrepta sigurie me qindra punonjës policie.
“Fjalimi i tij është planifikuar për në orën 10.30 dhe pritet të kthehet në Tiranë pasdite. Të paktën 2000 persona kanë udhëtuar nga Shqipëria drejt Greqisë gjatë ditës së djeshme për të ndjekur fjalimin e kryeministrit shqiptar në Klisto tou Galatsi”, – shkruan media greke “Protothema”.
Sipas informacioneve të mediave greke, Edi Rama do të shoqërohet nga afërsisht 150 persona. Në këtë shoqërim do të jenë anëtarë të kabinetit të tij, deputetë dhe 50 gazetarë.
Pas përfundimit të takimeve, Rama do të marrë pjesë në asamblenë e PS në Greqi dhe do të shpërndajë karta anëtarësimi, ndërsa në orën 18:00-19:00 pasdite do të shkojë në aeroport për t’u larguar nga Athina.
Më shumë se sa diskutime reale për problematikat e shqiptarëve dhe mungesën e votës së diasporës, takimin me shqiptarët e Athinës, Rama do e kthejë në një show, ku do të performojnë reperi Rigels Rajku, i njohur me emrin e artit si Noizy, si dhe këngëtarja Era Rusi.
Ndërkohë, për këtë takim kreu i PD-së Sali Berisha dhe opozita kanë denoncuar se ka detyruar që të shkojë administrata, ku sipas denoncimit, çdo kryetar bashkie dhe çdo drejtor i Drejtorive Arsimore, për çdo qark duhet të përgatisë minimalisht një listë me 20 persona për t’i dërguar në Athinë dhe shpenizmet e udhëtimit duhet t’i përballojnë vetë.
Gjithashtu, ditën e djeshme, Sekretari për Emigracionin dhe Diasporën në PD, Indrit Hoxha, përmes një deklarate nga selia blu, u bëri thirrje shqiptarëve në Athinë që ta presin kryeministrin Edi Rama me protesta.
“Në emër të Partisë Demokratike i ftoj shqiptarët në Athinë, Romë, Milano, Dyseldorf e kudo tjetër, në një detyrë patriotike: ta presin me protesta, të reagojnë si qytetarë të lirë të vendeve të lira, t’i kërkojnë llogari për vjedhjet e shfrenuara të tij, të ministrave dhe kryebashkiakëv që sjell me vete.”, – tha Indrit Hoxha.
