Vendet e Bashkimit Europian kanë arritur një konsensus mbi një projekt-marrëveshje për të ofruar garanci sigurie për Ukrainën. Plani i fshehtë është publikuar nga gazeta gjermane Die Welt.
Raporti thekson se projekt-marrëveshja nuk përfshin dispozita që ushtarët e BE-së të marrin pjesë drejtpërdrejt në operacionet ushtarake kundër Rusisë. Raporti, duke cituar informacion ekskluziv thekson se Ukrainës do ti jepen garancitë në rast të një pushtimi total të forcave ruse.
Deri më tani, projekt-marrëveshja ka qenë në diskutim mes BE-së dhe Ukrainës, duke përshkruar angazhimet nga vendet anëtare të BE-së për të ofruar ndihmë të vazhdueshme për Ukrainën në lidhje me politikën, ushtrinë dhe ekonominë derisa Ukraina të bashkohet me BE-në dhe Organizatën e Traktatit të Atlantikut të Veriut (NATO), thuhet në raport.
BE-ja do të kryejë konsultime të menjëhershme me Ukrainën nëse kjo e fundit do të përballet me “sulme të mëtejshme”, por përjashton mundësinë që ushtarët e BE-së të përfshihen drejtpërdrejt në konfliktin Rusi-Ukrainë, citon raporti.
