Java e fundit e Kategorisë Superiore po dhuron një spektakël të vërtetë teksa lufta për “Final Four” duket se do të vazhdojë deri në sekondat e fundit.
Sapo janë mbyllur pjesët e para të 5 sfidave ku janë shënuar plot 10 gola. Pas fraksionit të parë të lojës, duket se Skënderbeu dhe Tirana do të duelojnë në distancë për vendin e katërt.
Në “Loro Boriçi” korçarët kryesojnë 1-2 ndaj vendasve të Vllaznisë. Skënderbeu shënoi golin e avantazhit që në minutën e 5-të të sfidës, por shkodranët u përgjigjën shumë shpejt.
Fillimisht Gerco kroson nga e majta për Liçon që godet me kokë brenda zonës duke përshëndetur rrjetën e shkodranëve, ndërsa Klajdi Halili, ishte ai që iu përgjigj duke rikthyer baraspeshën në të 14-tën.
Por golat nuk do të ndaleshin këtu pasi korçarët do të rimerrnin sërish avantazhin në minutën e 17-të falë realizimit të Yuri Merlim.
Nga ana tjetër Tirana kryeson 0-2 në transfertë ndaj Egnatias. Bardheblutë realizuan dy gola të shpejtë me anë të Patrick përkatësisht në minutat 12 dhe 14.
Me këto rezultate, skuadra e fundit që siguron “Final Four” është Skënderbeu, ndërsa Tirana duhet të shpresojë në ndalesën e korçarëve.
Në sfidat e tjera, Partizani kryeson 4-0 ndaj Erzenit të rënë nga kategoria. Për të kuqtë shënuan Kristian Mba (10′), Xhuliano Skuka (21′), Mehmeti (42′) dhe Mba (44′)
Një përballje vetëm për statistikë është ajo mes Laçit dhe Kukësit me kurbinasit që kanë arritur të marrin epërsinë, ndërkohë në Durrës, takimi mes Teuta dhe Dinamos nuk ka prodhuar gola në 45 minutat e para.
Klasifikimi:
