Një 18-vjeçar është vënë në pranga në Tiranë në kuadër të operacionit policor të koduar “Sundimi i ligjit”.
Adoleshenti posedonte lëndë narkotike, ndërsa në banesë kishte dhe një armë pa leje.
“Komisariati i Policisë Nr. 6, në zbatim të masave të planit operacional “Sundimi i ligjit”, bazuar dhe në informacionet e siguruara nga inteligjenca policore, për një shtetas që posedonte lëndë narkotike dhe mbante armë zjarri pa leje, në banesë, kanë organizuar punën për kapjen e tij.
Si rezultat u arrestua në flagrancë shtetasi S. L., 18 vjeç, banues në Tiranë. Gjatë kontrollit fizik dhe të banesës, shërbimet e Policisë i gjetën dhe sekuestruan, në cilësinë e provës materiale, një dozë kokaine dhe një armë zjarri pistoletë.”– njofton policia.
Materialet i kaluan Prokurorisë për veprime të mëtejshme procedurale.
