Policia e Tiranës ka arrestuar 19-vjeçarin Henri Breçani. Raportohet se 19-vjeçari është konfliktuar me nënën e tij, Flora Breçanin, e cila pas zënkës ka konsumuar medikamente duke tentuar t’i jap fund jetës.
Kjo e fundit me profesion farmaciste ndodhet në gjendje kritike për jetën në repartin e toksikologjisë.
Bëhet me dije se i riu ka kundërshtuar dhe më pas ka goditur punonjësin e policisë i cili tentoi ta shoqëronte.
Sipas hetimeve Breçani, dyshohet se është përdorues i lëndëve narkotike. Ai i ka kërkuar para, nenës së tij dhe ky dyshohet të jetë shkaku i konfliktit mes tyre.
Policia është njoftuar nga QSUT, pasi nëna e 19-vjeçarit është dërguar në spital nga të afërm të saj.
“U arrestua në flagrancë shtetasi H. B., 19 vjeç, banues në Tiranë, pasi dyshohet se është konfliktuar me nënën e tij, shtetasen F. B., e cila më pas ka konsumuar disa medikamente. Shtetasja F. B. ndodhet në spital, në kujdesin e mjekëve. Gjatë shoqërimit, shtetasi H. B. ka kundërshuar me forcë dhe ka goditur për shkak të detyrës, një punonjës policie.”– njofton policia.
Materialet në ngarkim të tij i kaluan prokurorisë për veprime të mëtejshme.
