Një ngjarja e rëndë është regjistruar mbrëmjen e kësaj të mërkure në Tiranë.
Autoritetet policore raportojnë se shtetasja E. A., 26 vjeçe është vetëhedhur nga kati i 5-të i pallatit ku banon. Ngjarja ka ndodhur rreth orës 21:25, në rrugën “Selaudin Bekteshi”.
Vajza ka mbetur e plagosur dhe është dërguar me urgjencë në spital, ku aktualisht ndodhet nën kujdesin e mjekëve. Policia raporton se sipas deklarimeve të familjarëve të saj, dyshohet se 26-vjeçarja vuan nga probleme të shëndetit mendor.
Grupi hetimor po punon për sqarimin e rrethanave të ngjarjes.
