Avokati Genc Gjokutaj për emisionin ‘Task Force’ në Syri Tv tha se afera korruptive e inceneratorit të Tiranës ka nxjerrë të paktën blerjen e dy palë zgjedhjeve.
Gjokutaj gjithashtu thotë se Veliaj e pranon që nuk ka incenerator, ndërkohë që paguhet sikur ka një të tillë.
“Në këtë aferë korruptive të inceneratorit të Tiranës janë nxjerrë të paktën dy palë zgjedhje në Shqipëri. Duke vjedhur dhe paguar i fiton zgjedhjet.
Ligji është aty, nuk mund të dalësh, pengesa e hetimit është për shkakun politik. Kemi dy ditë që dëgjojmë recitalin e Erion Veliajt, që na thotë po shkoj vetë në SPAK.
Ai e pranon që s’ka incenerator, ndërkohë që paguhet sikur ka një të tillë.
Ne nuk themi që nuk mblidhen plehrat në Tiranë, por po themi që ka shkuar sa një kilogram flori”, tha Gjokutaj.
