Bulqizë/ Arrestohet 45-vjeçari i shpallur në kërkim, ushtroi dhunë në familje (EMRI) |

Lexo edhe:

Tiranë/ Përndiqte 40-vjeçaren dhe më pas u konfliktua me burrin e saj, arrestohet 37-vjeçari

EMRI/ Tentoi të vr*ste me armë një person në vitin 2021, arrestohet 47-vjeçari

Një 45-vjeçar i dënuar me dy vite burgim për dhunë në familje është arrestuar nga autoritetet në Bulqizë ditën e sotme.

Raportohet se shtetasi, Marangelen Rama, në vitin 2022, ka ushtruar dhunë psikologjike dhe fizike ndaj bashkëshortes, në prezencë të fëmijëve të tyre të mitur.

Njoftimi i policisë:

I dënuar me 2 vjet burgim për veprën penale “Dhuna në familje”, kapet dhe vihet në pranga 45-vjeçari.

Në vijim të aksioneve intensive të Policisë, të kryera në kuadër të operacionit policor kombëtar të koduar “Sundimi i ligjit”, për kapjen e shtetasve të shpallur në kërkim kombëtar, bazuar dhe në informacionet e siguruara nga inteligjenca policore, është kapur dhe vënë në pranga shtetasi M.R., 45 vjeç, banues në Krastë, Bulqizë.

Gjykata e Dibrës e ka dënuar këtë shtetas, me 2 vjet burgim, për veprën penale “Dhuna në familje”. Ky shtetas, në vitin 2022, ka ushtruar dhunë psikologjike dhe fizike ndaj bashkëshortes, në prezencë të fëmijëve të tyre të mitur.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.