Është identifikuar dhe shpallur në kërkim autori i ngjarjes që u raportua një ditë më parë në Delvinë ku u gjetën të djegura dy automjete.
Sipas policisë autor është 38-vjeçar me iniciale B.GJ, tashmë në kërkim.
Dyshohet se për motive të dobëta 38-vjeçari i ka vënë flakën fillimisht autobusit dhe më pas flakët kanë përfshirë edhe një furgon në pronësi të një kompanie private.
Njoftimi i policisë:
Komisariati i Policisë Delvinë referoi materialet në Prokurori dhe po punon për kapjen e shtetasit B. Gj., 38 vjeç, banues në Delvinë, pasi dyshohet se ditën e djeshme, në fshatin Stjar, Delvinë, i ka vënë zjarrin një autobusi të parkuar, për motive të dobëta.
