Mirlind Daku ka shkëlqyer në fitoren 0-2 të Rubin Kazan ndaj kryesuesve të kampionatit rus, Zenit Saint Petersburg. Protagonist i të dy golave ishte sulmuesi i Kombëtares shqiptare.
Fillimisht në minutën e 50-të ai realizoi golin e avantazhit për skuadrën e tij. 26-vjeçari mori një pasim të saktë në zonë dhe pasi kontrolloi topin, lëshoi një gjuajtje shumë të saktë drejt portës kundërshtare për të tundur rrjetën.
Sakaq, Daku mori tërësisht rolin e protagonistit edhe disa minuta më vonë duke qenë se në të 67-tën, lojtari i kombëtares dhuroi pasimin për gol që u shfrytëzoi maksimalisht nga Martynovich që e dërgoi ndeshjen në shifrat 0-2 në favor të Rubin Kazan, rezultat me të cilin u mbyll ndeshja.
Daku ka qenë protagonist në 11 gola deri tani në kampionatin rus, teksa përveç 6 golave, ka dhënë edhe 5 asiste në ndeshjet e skuadrës së tij.
