Vllaznia dhe Egnatia po diskutojnë në shtesë biletën e finalistes së fundit të Kupës së Shqipërisë.
Takimi i parë në Rrogozhinë pati përfunduar 1-0, ndërsa në “Loro Boriçi”, shkodranët triumfuan sot në kohën e rregullt, 1-0 falë golit të Rejan Alivodës.
Ndërkohë në kohët shtesë të gjysmëfinales, Egnatia ka barazuar shifrat në 1-1 duke qenë më pranë finales.
Pas një goditje nga këndi të rrogozhinasve, një gjuajtje me kokë kthehet nga traversa dhe më pas Montenegro e shtyn në rrjetë në minutën e 103-të.
Kujtojmë që miqtë po luajnë me 10-të lojtarë që prej minutës së 92-të të shtesave. Gjyqtari, pas një ndërhyrje të gabuar nga ana e Aleksit, i tregon kartonin e dytë të verdhë mesfushorit duke lënë miqtë me 10 futbollistë.
