Kukësi është finalisti i parë i Kupës së Shqipërisë për sezonin 2023-2024.
Verilindorët u mundën sot minimalisht 1-0 në “Air Albania” nga Tirana, dhe vendimtare për fatet e kualifikimit rezultoi fitorja 2-0 në gjysmëfinalen e parë.
Bardheblutë shënuan në minutën e 21-të me Deliun, me një gol mjaft të bukur. Ekipi i Fagut fitoi besim për përmbysjen e madhe, duke spostuar kështu kundërshtari në gjysmëfushën e vet.
Kuksianët barazuan me Laccen në të 45-tën, por goli u anulua për prekje me dorë. Pjesa e dytë nuk prodhoi gol pavarësht dominimit të Tiranës, me ekipin e Bledar Devollit që shkon kështu në finale.
Ndërkohë Vllaznia dhe Egnatia do të diskutojnë në shtesë biletën e finalistes tjetër. Ndeshja e parë pati përfunduar 1-0 për rrogozhinasit, ndërsa në “Loro Boriçi”, shkodranët triumfuan 1-0 falë golit të Rejan Alivodës.
