Deputeti i Partisë Demokratike, Saimir Korreshi ka ironizuar planin e propozuar nga PS për Koncesionet në Shëndetësi, për përfshirjen e vizitave në terren për të parë nga afër sesi janë zbatuar kontratat: ajo e check-upet dhe sterilizimit.
Gjatë fjalës së tij në mbledhjen e që po mbahet këtë të martë, Korreshi e ka quajtur planin si “Plan Marshall”, teksa u kërkoi kolegëve te PS dhe PD që të ulen dhe të bëjnë një produkt dhe të vazhdojë normalisht puna.
“Na kurseni pjesën e planeve, se ne vijmë nga plani 120%. Sa për planin që na keni sjellë, na thoni dhe ku do ta montojmë dhomën e rrëfimit se keni parashikuar që të rrëfehen të gjithë ministrat tek e tek. Qysh e kemi tek e tekun? Po ca jemi ne inspektorët e Sigurimit të shtetit që ti marrim tek e tek?! Këtu ore të vijnë ti dëgjojmë të gjithë. Ne nuk do ndajmë lekët.
Prandaj planin Marshall ta lëmë për në fund, ne nuk po biem për kalendarin! Do jetë me Milanin apo me Interin me fotografi. Uluni dhe na i ndani këtë punë dhe të fillojmë punën rehat”, tha deputeti Korreshi.
